Янгиликлар
Давлат хизматчиларининг саломатлиги — самарали фаолияти учун асосдир!
“Давлат фуқаролик хизмати тўғрисида”ги қонунда давлат фуқаролик хизматчисига тиббий хизмат кўрсатиш ижтимоий ҳимоя чораси сифатида кафолатланган. Маълумки Республикамизнинг барча худудларида давлат хизматчилари бирламчи тиббий кўрикдан ўтказилмоқда.
“Олахамак” МФЙда касб-ҳунарга ўқитиш маркази фойдаланишга топширилди
Марказни очилиш маросимида Наманган вилояти ҳокими Шавкатжон Абдуразаков, туман ҳокими Садритдин Мўминов ҳамда туман сектор раҳбарлари, нуронийлар, маҳалла фаоллари, ёшлар ва кенг жамоатчилик вакиллари иштирок этди.
Ишсиз фуқароларни замонавий касб-ҳунар ва тадбиркорлик кўникмаларига ўқитиш, шу асосда уларни доимий даромад келтирадиган меҳнат ва тадбиркорлик фаолиятига жалб қилиш мақсадида Наманган касб-ҳунарга ўқитиш марказини реконструкция ишларини амалга ошириш учун 12 млрд. 700 млн. сўм маблағ сарфланди. Мономарказда 17 та касб йўналиши бўйича ўқитиш тизими йўлга қўйилган.
Халқ депутатлари Наманган тумани Кенгашининг навбатдаги сессияси бўлиб ўтди
Бугун Наманган тумани ҳокимлигининг катта мажлислар залида халқ депутатлари туман Кенгашининг навбатдаги 45-сессияси бўлиб ўтди.
Сессия кун тартибида қуйидаги масала кўрилди.
1. Наманган туман прокурорининг «Қонунийликни мустаҳкамлаш, ҳуқуқ тартиботни кучайтириш ҳамда жиноятчиликни олдини олиш ва унга қарши курашиш борасида 2022 йилнинг 12 ойи давомида амалга оширилган ишлар ва келгусидаги вазифалар тўғрисидаги хисоботи.
Жиноятнинг олдини олиш ҳар биримизнинг вазифамиз!
Наманган туманида содир этилган жиноятлар юзасидан туман ҳокими Садритдин Мўминов, ИИБ бошлиғи Умаржон Абдувалиевлар иштирокида муҳокама йиғилиши ўтказилди.
Унда туман ҳокимлиги масъуллари, ҳуқуқни муҳофаза қилувчи идоралар ходимлари, имом-хатиблар, маҳалла фаоллари, нуронийлар ҳамда кенг жамоатчилик вакиллари иштирок этдилар.
Наманган туман ИИБ Тергов бўлими бошлиғи Отабек Қаххоров ҳудудларда содир этилган жиноятлар, жиноят содир этишга мойиллиги бор бўлган шахслар билан қандай иш ташкил этилгани, йўл қўйилган камчиликлар ва келгусида амалга оширилиши лозим бўлган вазифалар тўғрисида суҳбатлашди.
❗️Тадбиркорларнинг солиқ қарзига пеня ҳисоблаш вақтинча тўхтатилди
“Ҳаво ҳарорати кескин совиб кетишининг иқтисодиётга салбий таъсирини камайтириш учун тадбиркорлик субъектларини қўллаб-қувватлаш чора-тадбирлари тўғрисида”ги Президент қарори (ПҚ–43-сон, 03.02.2023 й.) қабул қилинди
✅ Қарорга кўра, тадбиркорларнинг 2023 йил 1 январга нисбатан 1 февраль ҳолатига ошган (ҳосил бўлган) солиқ қарзини 2023 йил 1 мартдан 1 июлгача фоизларсиз, қўшимча шартлар қўймасдан ва таъминот талаб этмасдан тенг улушларда бўлиб-бўлиб тўлашга рухсат берилади.
➡️ Тадбиркорларнинг солиқ қарзига пеня ҳисоблаш 2023 йил 1 апрелгача тўхтатилади.