Наманган тумани “Ёшлар” кичик саноат зонасида “Ҳоким ва тадбиркорлар” учрашуви ўтказилди. Ўзбекистон Республикаси Президенти томонидан мамлакатимизда тадбиркорлик, саноат ва ишлаб чиқариш соҳаларини жадал ривожлантириш борасида кетма-кет Қарор ва Фармонлар қабул қилинмоқда. Улар асосида тадбиркорларга кенг имкониятлар ва имтиёзлар яратиб берилмоқда. Юртбошимизнинг тадбиркорлар билан куни кеча ўтказган очиқ мулоқотлари булар яққол далилидир.
Шу каби ишлардан учрашувлардан рухланиб Наманган тумани Кичик Қурама МФЙ худудидаги “Ёшлар” кичик саноат зонасида туман ҳокими Садритдин Мўминов тадбиркорлар билан очиқ мулоқот ўтказди. Ўтказилган очиқ мулоқотда тадбиркорлар берилаётган кенг имкониятлар, янгидан янги имтиёзлар ва улардан оқилона фойдаланиш бўйича тушунчалар бериб ўтилди.
Мазкур учрашувда тадбиркорларни қийнаб келаётган коммуникатция тармоқларини тортиш, кредит олиш ва шу каби муаммолар ечим топиш ва хал этиш бўйича тегишли ташкилотларга кўрсатмалар берилиб, ижроси назоратга олинди.