"Миллий армиямиз- бизнинг ифтихоримиз ва ғуруримиз" Ватан ҳимоячилари куни муносиб нишонланди.

Республикамизнинг барча ҳудудларида бўлгани каби туманимизда ҳам 14 январь – Ватан ҳимоячилари куни ҳамда Ўзбекистон Қуролли Кучлари ташкил топганлигиининг 29 йиллик байрами зўр шодиёналик билан нишонланди. Шу кунги байрам тадбири туманимиз марказида жойлашган Хотира майдонидаги “Мотамсаро Она” ҳайкали пойига гуллар қўйиш билан бошланди.
Унда туман ҳокими Садритдин Мўминов, туман прокурори Ҳабибулло Исақов, туман ички ишлар бўлими бошлиғи Музаффар Нўъмонов, туман мудофаа ишлари бўйича бўлим бошлиғи, подполковник Сайдулло Шодиев, туман ҳокимининг ўринбосарлари, корхона, ташкилот, муассасаларининг раҳбарлари, кенг жамоатчилик вакиллари, фахрийлар иштирок этиб, юртимииз сарҳадларини ҳимоя қилишда ҳалок бўлган ҳарбий хизматчиларнинг порлоқ хотираларини ёдга олдилар.
Шундан сўнг туман маданият марказида ушбу қутлуғ сана муносабати билан “Ким Ватанга содиқ бўлса, мендирман ўша!” шиори остида маънавий-маърифий тадбирни Туман ҳокими С.Мўминов очиб берди. Тадбирда туман мудофаа ишлари бўлими ходимлари, фахрий зобитлар, ўз хизмат бурчини ўташ чоғида ҳалок бўлган ҳарбийларнинг оила-аъзолари, ҳозирда армия сафларида хизмат қилаётган аскарларнинг ота-оналари иштирок этдилар.
Байрам иштирокчиларини туман ҳокими С.Мўминов, туман прокурори Ҳ.Исақов, туман ички ишлар бўлими бошлиғи М.Нўъмонов, туман мудофаа ишлари бўйича бўлим бошлиғи С.Шодиевлар “Ватан ҳимоячилари куни” билан табрикладилар.
Ҳарбий хизматчиларнинг ота-оналарига юртимиз тинчлги ва осойишталигини таъминлашда ўз йигитлик бурчини сидқидилдан бажараётган мард, жасур ўғлонларни вояга етказганликлари учун ўз миннатдорчиликларини билдириб, уларга эсдалик совғаларини топширдилар ҳамда хушовоз хонандалар, мактабгача таълим муассасаларининг тарбияланувчилари томонидан концерт дастури ҳавола этилди.